Galtzagorri Elkartearen webgunea

liburu-gaztea
Bularretik Mintzora
Liburuen altxorra

Galtzaberri

Bilaketa:

Galtzagorriren 25 urteak "Behinola" aldizkarian

Aurten, Galtzagorri Elkartearen 25. urtemuga dela eta, aldizkari berezia da 2015eko lehenengo hau: Behinola 31. Euskal Herriko Haur eta Gazte Literatura Elkarteari buruzko monografikoa osatu dugu. Mende laurden honetan egindako guztia edo ia guztia jaso nahi izan dugu, bai hitzez, bai irudiz. Elkarteari buruz inoiz bildu den informaziorik osatuena dela esan genezake; zer den, zein helburu duen, zer egiten duen, eta nork gidatzen duen jakiteko ezinbesteko "gida".

IBBYren Nazioarteko Kongresurako izen-emate epea zabaldu dute

Dagoeneko, zabalik dago Aukland-en (Zelanda Berria) egingo den IBBYren Nazioarteko 35. Kongresuan aurkezpenak egiteko izena-emate epea; irailaren 30a da lanak aurkezteko azken eguna. Kongresua 2016ko abuztuaren 18tik 21era egingo da "Literature in a multi -literate world" lelopean.

Uztailaren 23ra luzatu dugu izen-ematea

Marraz(i)Oak VII topaketetan parte hartzeko izen-emate epea beste astebetez luzatu dugu. UZTAILAREN 23a izango da lanak aurkezteko azken eguna. Hau da Elena Odriozolaren eta Gustavo Puertaren lantegian parte hartzeko azken aukera. Irakurri oinarriak eta bidali zure lana.

Abian da "Galtza-motzetan irakurri" ekimena Frantzia osoan

Lire en short (Galtza-motzetan irakurri). Lelo horrekin sortu da Frantzian gazteen artean irakurzaletasuna sustatzeko ekimen berria. Frantziako Haur eta Gazte Liburuaren Saloiak, Centre National du Livre erakudenak eta Frantziako Kultura eta Komunikazio ministerioak antolatu dute ekimena eta beste hainbat enpresa eta erakundek babestu dute. Helburua: Frantzia osoan haur eta gazte liburuaren jaialdi erraldoia antolatzea, uztailaren 17tik 31ra.

Vitoria-Gasteiz Itzulpen Sarirako deialdia argitaratu da

Uztailaren 10ean argitaratu zen Vitoria-Gasteiz itzulpen-sarien 2015eko deialdia. Haur eta gazte literaturaren alorrean euskarara egindako itzulpenik hoberenak saritzea helburu duen lehiaketa. Aurkeztu beharreko lanek 2014ko legezko gordailua izan behar dute eta irailaren 11 da lanak aurkezteko azken eguna.

Marraz(i)Oak topaketetako lanen erakusketa

Aurten Galtzagorri Elkartearen 25. urteurrena dela eta, Ilustratzailearen Txokoa Marraz(i)Oak-en parte hartu dutenen lanen erakusleiho bihurtuko dugu. Donostiako Aiete Kultur Etxearekin lankidetzan Marraz(i)Oak topaketetan urte guzti hauetan parte hartu duten ilustratzaileen lanen erakusketa bat egingo dugu datorren irailaren 19tik urriaren 22ra. Horrez gain, Marraz(i)Oak-en sortutako ilustrazio lanen enkante edo subasta bat egin nahi dugu urtemuga festarekin batera. Bertan lortzen diren funtsak munduan zehar beharrean aurkitzen den haur liburutegiren bati eskaini nahi dizkiogu (Gazako haur liburutegia, Lanpedusako haur etorkinen liburutegia…).

Elena Odriozolarentzat Espainiako Ilustrazio Saria

Elena Odriozolak (Donostia, 1967) irabazi du 2015eko Espainiako Ilustrazio Sari Nazioanala. "Bere ildo berezko eta koherenteari jarraituta berritzeko izan duen gaitasunagatik eta haren lanaren ahalmen narratiboagatik” hautatu du epaimahaiak Odriozola. Saria Espainiako Hezkuntza, Kultura eta Kirol Minsterioak esleitzen du eta 20.000 eurokoa da. Odriozolaren hautagaitza Galtzagorri Elkarteak proposatu zuen, OEPLI osatzen duten atal bakoitzak bere proposamena helarazten baitu Espainiako Sari Nazionalera.

Marraz(i)Oak topaketetara aurkezteko azken egunak

Uztailaren 17an amaituko da Marraz(i)Oak VII topaketetara aurkezteko epea. Parte hartu nahi duten irudigileek dokumentazio arruntaz gain (oinarriak), irakasleek eskatutako ariketa zehatza (objektu baten lamina, DINA3 batean) ere bidali beharko dute egun horretarako. Jasotako hautagaitzak baloratu ondoren, irailaren bigarren astean erantzungo zaie parte hartuko duten irudigileei. Aurtengo topaketak, Elena Odriozolak eta Gustavo Puertak gidatuko dituzte "Gauzen lezioak" lelopean. Urriaren 19tik 23ra egingo dira, Donostian, Komikigunean.

Aņorga eta Mitxelenarentzat Etxepare Saria

Pello Añorga idazleak eta Jokin Mitxelena ilustratzaileak sortutako Munstroek pixa egiten dute ohean album ilustratuak irabazi du 2015eko Etxepare Saria. Hau da bikote honek Etxepare Saria eskuratzen duen bigarren aldia. Pozik jaso dute biek gaur saria.

"Alizia"ren euskarazko edizio berria 150. urteurrenarekin

Lewis Carroll idazlearen Alizia herrialde miresgarrian liburuaren 150. urteurrena dela eta, Pamiela argitaletxeak Manu Lopez Gasenik itzulitako liburua berrargitaratu du. Uztailaren 8an aurkeztuko dute Donostian, liburuari buruzko solasaldiarekin. Asun Agiriano, Juan Kruz Igerabide eta Manu Lopez Gaseni ariko dira solasean. 

Galtzagorri Elkartea · Zemoria 25, Behea 20013 Donostia ·