Galtzagorri Elkartearen webgunea

liburu-gaztea
Bularretik Mintzora
Liburuen altxorra

Galtzaberri

Bilaketa:

Batzar Orokorraren eguna atzeratu dugu

Galtzagorri Elkarteak bere bazkideei jakinarazi nahi die, apirilaren 18rako deitutako Batzar Orokorra maiatzaren 23ra atzeratu dugula. Martxoaren 20an hoditerian izan genuen arazoak sortutako eragozpenak tarteko, atzeratu beharrean suertatu gara. 

Bolonian Euskal Haur eta Gazte Literaturari doinua jarriz

Galtzagorri Elkarteak antolatuta, Etxepare Institutuaren laguntzarekin, iragan apirilaren 1ean Haur eta Gazte Literaturako Boloniako Nazioarteko Azokan izan ziren Galtzagorri Elkarteko zenbait kide euskal Haur eta Gazte literaturari doinua jarriz, "Ants, horses, elephants" (Inurriak, zaldiak, elefanteak) izeneko ikuskizunarekin. Patxi Zubizarreta idazleak, Jokin Mitxelena ilustratzaileak, Maddi Oihenart abeslariak, Idoia Noble itzultzaile eta musikariak eta Chiara Balestri itzultzaileak elkarlanean aurkeztutako ikuskizunak oso harrera ona izan zuen.

PRAESA egitasmoak eskuratu du Astrid Lindgren Award 2015

Italian, Boloniako Haur Liburuaren Nazioarteko Azokan eman dute jakitera 2015eko Astrid Lindgren Memorial saria norentzat izango den. Bada, Hego Afrikako PRAESA egitasmoak eskuratu du. Modu horretan, epaimahaikideek, Hego Afrikan 1992az geroztik, Haur eta Gazte Literatura sustatzen etengabeko lana egin duen egitasmoa saritu du. Hemen sarituaren izena jakitera eman duten unea. 

"Nik uste dut irakurketa plan bat jarri beharko luketela martxan erakunde publikoek"

 Juan Luis Zabala Berria egunkariko kazetariak elkarrizketa egin dio Iñaki Markotegi Galtzagorri Elkarteko lehendakariari, Haur Liburuaren Nazioarteko Egunaren atarian. Altxor ezkutuak baso sarrian goiburu duen erreportaje luzearen barruan dator elkarrizketa. Hemen duzue irakurgai osorik. 

IBBYk 2016ko Hans Christian Andersen Sarietarao hautagaien izenak eman ditu

Boloniako Haur Liburuaren Nazioarteko Azoka, munduan Haur eta Gazte Liburuaren inguruan egiten den azokarik garrantzitsuena da. Hori dela eta, bertan ematen da jakitera Astrid Lindgrenen Oroimenezko Sariaren irabazlea, baita Hans Christian Andersen Sarietarako Hautagaien zerrenda ere. Bada, biak martxoaren 31n eman dituzte jakitera. Hemen duzue 2016ko Hans Christian Andersen Sarietarako Hautagaien zerrenda osoa. 34 herrialdetako 28 idazle eta 29 ilustratzaile hautatu dituzte. 

Irakurleak Eraikitzen jardunaldiak

Apirilaren 2an ospatzen den Haur eta Gazteen Liburuaren Egunaren harira, Bizkaiko Foru Aldundiak irakurketa sustatzen duten bitartekariei buruzko jardunaldiak antolatzen ditu. Aurten bigarren edizioa izan dute IRAKURLEAK ERAIKITZEN goiburu hartuta. Idazle klasikoen irakurketa nabarmendu nahiizan dute jardunaldiotan eta gaur izango dira azken saioak: 18:15ean, Klasikoak moldagaitz batzuk ote dira? (Rafael Muñoz eta Seve Calleja). 19:15ean, mahai-ingurua: Klasikoei heltzeko era berriak. Solaskideak: Beñat Arginzoniz, Angel Muro eta Asun Agiriano. Moderatzailea Ferando Juarez izango da.

Book Trailer Lehiaketako bozketa atzeratu dugu

Liburu Gaztea Book Trailer Lehiaketako BOZKETA martxoaren 27an hastekoa zen, baina iragan astean izan genuen ezbeharra tarteko (hoditeria hautsi eta ura sartu zitzaigun bulegora), ezin izan ditugu jasotako book trailer guztiak Liburu Gaztea web guneko Lehiaketa atalera igo. Hori dela eta, bozketa APIRILAREN 13an jarriko martxan.

Belen Lucas irudigilearen lanak Ilustratzailearen Txokoan

Galtzagorri Elkarteak Donostia Kulturarekin batera sortutako Ilustratzailearen Txokoak beste artista baten lanak hartuko ditu martxoaren 26tik ekainaren 14a arte. Belen Lucas ilustratzailearen lanek beteko dituzte Aiete Kultur Etxeko txoko berezi horretako apalak. Ilustratzaile bizkaitarraren marrazkiak, liburuak, lan-tresnak izango dira ikusgai bertan.

"Guk irakurtzen dugu, eta zuk?" selfi lehiaketa

Apirilaren 2an Haur Liburuaren Nazioarteko Eguna ospatuko da mundu guztian, Hans Christian Andersen-en jaiotza oroitzeko. Egun horretarako hainbat ekimen antolatu ohi dituzte liburutegiek, ikastetxeek eta zenbait liburu-dendak. Baita Galtzagorri Elkarteak ere. Aurten, OEPLIren bidez "Guk irakurtzen dugu, eta zuk?" selfi lehiaketa antolatu dugu eta apirilaren 2a da argazkiak aurkezteko azken eguna.

"Ants, horses, elephants" Boloniako Haur Liburuaren Azokan

 Abian da Boloniako Haur Liburuaren Nazioarteko Azoka eta Euskal Herriko idazle, ilustratzaile eta, oro har, sortzaile talde bat bertan da egunotan euskarazko Haur Literaturari lekutxo bat egiteko asmoarekin. Apirilaren 1ean, 14:00etan, azokako Author's Cafe gunean "Ants, horses, elephants" (Inurriak, zaldiak, elefanteak) izeneko ikuskizuna eskainiko dute Patxi Zubizarreta idazleak, Jokin Mitxelena ilustratzaileak, Maddi Oihenart abeslariak, Idoia Noble itzultzaile eta musikariak eta Chiara Balestri itzultzaileak. Halaber, martxoaren 31n eta apirilaren 2an, Patxi Zubizarretak eta Maddi Oihenartek saio bana eskainiko dute Boloniako eta Veneziako unibertsitateetan, hurrenez hurren. 

Galtzagorri Elkartea · Zemoria 25, Behea 20013 Donostia ·