Albisteak
2010. urteko Haur Liburuaren Nazioarteko Egunerako mezua eta kartela aukeratzeko lehiaketa
2010. urteko apirilaren 2ko kartela eta mezua Espainiako Estatuko ilustratzaile eta idazle batek sortua izango da. Hala erantzun dio IBBYk (International Board on Books for Young People) OEPLIk eginiko eskaerari. Horregatik, OEPLIk eta bere lau atalek –Galtzagorri barne– lehiaketa deitu dute. 2010. urteko Haur Liburuaren Egunerako kartela eta mezua dira lehiaketa horretan aukeratuko direnak.
Haur eta Gazte Literaturako lan bat argitaratua duten Estatuko idazle eta ilustratzaileek parte hartu ahal izango dute. Estatuko edozein hizkuntza ofizialetan parte hartu ahal izango dute gainera. Mezu eta kartel hori IBBYren baitan dauden herrialdeetan eta horien hizkuntzetan zabalduko dira.
Liburu Gazteak eta Idazle Gazteak: aurtengo irabazleak eta hurrengo urteko hautagaiak
Ekainaren 13an burutu zen Donostiako Koldo Mitxelena Kulturunean Liburu Gaztea 07-08 eta Idazle Gaztea 08 Lehiaketen sari banaketa. Ikasturte honetan 3.868 ikaslek parte hartu dute Liburu Gaztean, guztira, Gipuzkoako 38 ikastetxetakoak. Idazle Gaztean berriz, 85 lan jaso dira Gipuzkoako DBHko hezkuntza zentro ezberdintatik. Andoaingo La Salle Berrozpe, Oiartzungo Haurtzaro Ikastola, Andoaingo Aita Larramendi eta Donostiako Peñaflorida Institutuko ikasleak izan dira irabazleak.
Aurtengo ekitaldia amaiturik, datorren urteko Liburu Gazterako hautagaiak aukeratu ditu jada Galtzagorri Elkarteko aditu batzordeak. Idazle Gazteari dagokionez, 2009an berrikuntzak egongo dira.
Oporretan ere irakurtzen gozatzeko
Ikasturtea bukatu eta liburuak ixten ditu hainbatek. Eskolako liburuak, lantokiko bibliografia mardulak, txotenak eta bestelakoak. Baina oporretan irakurtzen jarrai daiteke. Bai, bai hala da: eguzkia hartzen den bitartean, hondartzan gaudenean edo mendian irakurri egin daiteke. Horregatik proposamen batzuk egiten dizkizuegu jarraian. Ez dira Galtzagorrik eginak, baina egokiak direnez hemen txertatzen dizkizuegu: gurasoek jakin dezaten haurrei zer irakurri uda garaian; eta gazteek ikus dezaten zer aukera dauden udan ere irakurtzeko.
Horrez gain, Tolosan Udako Liburutegia jarri dute martxan Usabalgo kanpoko igerilekuan. Bertara hurbiltzeak ere merezi du, liburu andana izango baitira igerilekuan irakurri ahal izateko.
Tentaziorik sortu al dizuegu?
Bereziak
Martxan da 2008ko OEPLIko Iberiar Biltzarraren web gunea
Behinola 17 kalean da.
Galtzagorri Elkartea · Zemoria 25, Behea 20013 Donostia ·
